ចាប់ពីការឈឺចាប់ក្នុងក្រពះ រហូតដល់សុខភាពថ្លើម គ្រូពេទ្យឯកទេសប្រព័ន្ធរំលាយអាហារ និងថ្លើមរបស់យើង គឺប្តេជ្ញាចិត្តក្នុងការថែរក្សាសុខភាពប្រព័ន្ធរំលាយអាហារ ព្រមទាំងដោះស្រាយបញ្ហាជំងឺផ្សេងៗដូចជា រោគសញ្ញារលាកពោះវៀនធំរ៉ាំរ៉ៃ (IBS), ជំងឺក្រិនថ្លើម, ជំងឺភើជូរ/ផ្សាក្រពះ និងដុំសាច់ថ្លើម។ ក្រុមការងាររបស់យើងធ្វើការពិនិត្យស្វែងរក និងព្យាបាលជំងឺដែលប៉ះពាល់ដល់ផ្លូវរំលាយអាហារទាំងមូល រួមមាន បំពង់អាហារ, ក្រពះ, ពោះវៀន, លំពែង, ប្រមាត់, ពោះវៀនត្រង់ និងទ្វារបាត។

វេជ្ជបណ្ឌិតឯកទេសថ្លើមរបស់យើងមានជំនាញក្នុងការថែទាំជំងឺថ្លើម និងផ្លូវទឹកប្រមាត់ ដូចជា ជំងឺក្រិនថ្លើម, ជំងឺរលាកថ្លើម, មហារីកថ្លើម និងដុំសាច់ថ្លើម។ ជាទូទៅ អ្នកជំងឺត្រូវបានបញ្ជូនមកពិនិត្យដោយសារមានរោគសញ្ញាដូចជា ឈឺពោះ, ភើជូរ/ផ្សាក្រពះ, វិបត្តិនៃការរំលាយអាហារ (ភើ ចង្អោរ), ហើមពោះ, ពិបាកលេបអាហារ, ក្អួត, ការប្រែប្រួលនៃការបន្ទោរបង់, ហូរឈាមតាមទ្វារបាត, ស្រកទម្ងន់ដោយមិនដឹងមូលហេតុ ឬសភាពស្លេកស្លាំង/ខ្វះឈាម។

យើងផ្តល់ជូននូវការថែទាំយ៉ាងគ្រប់ជ្រុងជ្រោយ និងតម្រូវតាមស្ថានភាពជាក់ស្តែងសម្រាប់ជំងឺដូចជា GERD, ជំងឺខ្លាញ់រុំថ្លើម និង IBS ជាមួយនឹងវិធីសាស្ត្រថែទាំបែបលក្ខណៈទូលំទូលាយ ដែលមិនត្រឹមតែបំបាត់រោគសញ្ញាប៉ុណ្ណោះទេ ប៉ុន្តែថែមទាំងគាំទ្រដល់សុខភាពប្រព័ន្ធរំលាយអាហារ និងសុខុមាលភាពទូទៅក្នុងរយៈពេលវែងទៀតផង។

ជំងឺ និងការព្យាបាល

ក្រុមវេជ្ជបណ្ឌិតឯកទេសពហុជំនាញដែលមានបទពិសោធន៍របស់យើងខ្ញុំ ដោយមានការគាំទ្រពីបច្ចេកវិទ្យាទំនើប ផ្តល់ការថែទាំតាមតម្រូវការផ្ទាល់ខ្លួន ដែលសមស្របទៅនឹងតម្រូវការ និងស្ថានភាពជំងឺជាក់លាក់របស់អ្នកជំងឺម្នាក់ៗ។

ជួបជាមួយវេជ្ជបណ្ឌិតឯកទេសរបស់យើង

ក្រុមវេជ្ជបណ្ឌិតឯកទេសចម្រុះជំនាញ និងមានបទពិសោធន៍របស់យើង ប្តេជ្ញាផ្តល់ជូននូវការថែទាំតាមតម្រូវការផ្ទាល់ខ្លួន និងផ្អែកលើការពិនិត្យបែបវេជ្ជសាស្ត្រច្បាស់លាស់ ដោយតម្រូវតាមតម្រូវការរបស់លោកអ្នក។ តាមរយៈការសហការគ្នាយ៉ាងជិតស្និទ្ធរវាងជំនាញឯកទេសផ្សេងៗ យើងផ្តល់ជូននូវការថែទាំយ៉ាងទូលំទូលាយ ប្រកបដោយក្តីមេត្តា ជំនាញច្បាស់លាស់ និងឧត្តមភាពនៅគ្រប់ដំណាក់កាលនៃដំណើរថែទាំសុខភាពរបស់លោកអ្នក។

មតិយោបល់ពីអ្នកជំងឺ

ស្វែងយល់ពីបទពិសោធន៍អ្នកជំងឺរបស់ពួកយើង ក្នុងអំឡុងពេលដែលកំពុងទទួលយកការព្យាបាលនៅមន្ទីរពេទ្យ Sunway Medical Centre

“ ចំពោះផ្នែកសម្របសម្រួល ខ្ញុំអាចនិយាយបានថា គឺល្អ។ ចាប់ពីវេជ្ជបណ្ឌិតរហូតដល់គិលានុបដ្ឋាក ពួកគាត់ផ្តល់ការថែទាំ និងយកចិត្តទុកដាក់យ៉ាងខ្លាំង។ ប្រសិនបើមានបញ្ហាណាមួយ ពួកគាត់នឹងឆ្លើយតបយ៉ាងឆាប់រហ័ស ហើយខ្ញុំមានអារម្មណ៍ពេញចិត្ត និងមានផាសុកភាពយ៉ាងខ្លាំងនៅទីនេះ។ ”

Bapak Yani Hery Japri

Indonesia

Watch Video

“ វេជ្ជបណ្ឌិតមានភាពរួសរាយរាក់ទាក់ និងយកចិត្តទុកដាក់ចំពោះអ្នកជំងឺយ៉ាងខ្លាំង។ ពួកគាត់ពិតជាស្ដាប់់ និងព្យាយាមយល់ពីបញ្ហារបស់អ្នកជំងឺយ៉ាងយកចិត្តទុក។ ”

Kelly Jaye Hauf

United States of America

Watch Video

“ ខ្ញុំមានអារម្មណ៍ថា រាល់ពេលដែលខ្ញុំធ្វើតេស្ត ឬនីតិវិធីផ្សេងៗ បុគ្គលិកតែងតែផ្ទៀងផ្ទាត់ឱ្យប្រាកដថា ខ្ញុំជាអ្នកជំងឺត្រឹមត្រូវ។ នេះធ្វើឱ្យខ្ញុំមានអារម្មណ៍ថា សេវាកម្មមានវិជ្ជាជីវៈខ្ពស់។ បរិយាកាសក៏ល្អ ហើយអ្នកពិតជាអាចទទួលអារម្មណ៍បាន។ វាបានធ្វើឱ្យបទពិសោធន៍ទាំងមូលមានភាពខុសប្លែកយ៉ាងខ្លាំង។ ”

Guadalupe Cernusco

Argentina

Watch Video

“ ខ្ញុំមានអារម្មណ៍ថា SMC មានអនាម័យល្អ បរិក្ខារទំនើប និងបុគ្គលិកមានភាពរួសរាយរាក់ទាក់។ ខ្ញុំជឿជាក់ថា មន្ទីរពេទ្យនេះមានស្តង់ដារល្អប្រហាក់ប្រហែលនឹងមន្ទីរពេទ្យទូទៅនៅប្រទេសជប៉ុន ហើយលោកអ្នកអាចមកទទួលសេវាព្យាបាលនៅទីនេះដោយភាពជឿជាក់ និងស្ងប់ចិត្ត។ ”