Sunway Neuroscience Centre គឺជាទីតាំងសេវាថែទាំសុខភាពពេញលេញមួយ ដែលប្រមូលផ្ដុំវេជ្ជបណ្ឌិតឯកទេសផ្នែកប្រព័ន្ធប្រសាទ ការវះកាត់ខួរក្បាល រស្មីសាស្ត្រប្រព័ន្ធប្រសាទ រស្មីសាស្ត្រអន្តរាគមន៍ប្រព័ន្ធប្រសាទ និងការស្តារសម្បទាប្រព័ន្ធប្រសាទ ក្រោមមណ្ឌលឯកទេសតែមួយ។ ដោយមានការគាំទ្រពីបច្ចេកវិទ្យាវេជ្ជសាស្ត្រទំនើប ក្រុមការងារច្រើនផ្នែករបស់យើងខ្ញុំធ្វើការជាមួយគ្នា ដើម្បីរចនាផែនការព្យាបាលគ្រប់ជ្រុងជ្រោយ និងតម្រូវតាមបុគ្គលម្នាក់ៗសម្រាប់អ្នកជំងឺម្នាក់ៗ។
មណ្ឌលនេះក៏ជាទីតាំងនៃ Sunway Stroke Protocol ដែលទទួលបានពានរង្វាន់ ជាវិធីសាស្ត្រសង្គ្រោះ និងស្ដារនីតិសម្បទាពិសេសសម្រាប់អ្នកជំងឺដាច់សរសៃឈាមខួរក្បាល ដែលរចនាឡើងដើម្បីកាត់បន្ថយការខូចខាតរយៈពេលវែង និងគាំទ្រការជាសះស្បើយបានល្អបំផុត។ ទទួលការទទួលស្គាល់កម្រិតអន្តរជាតិពី Joint Commission International (JCI) និងទទួលបានការចាត់ថ្នាក់ក្នុងចំណោមមន្ទីរពេទ្យល្អបំផុតនៅលើពិភពលោក (World's Best Hospitals) និងមន្ទីរពេទ្យឯកទេសល្អបំផុតនៅអាស៊ី (Best Specialised Hospitals in Asia) របស់ទស្សនាវដ្តី Newsweek មជ្ឈមណ្ឌលប្រព័ន្ធប្រសាទ Sunway ក៏ស្វាគមន៍អ្នកជំងឺអន្តរជាតិផងដែរ ជាមួយនឹងការគាំទ្រយ៉ាងយកចិត្តទុកដាក់ ដើម្បីធ្វើឱ្យការថែទាំសុខភាពរបស់លោកអ្នកអោយមានភាពរលូន និងផ្តល់ទំនុកចិត្តបំផុត។
ជំងឺ និងការព្យាបាល
ក្រុមវេជ្ជបណ្ឌិតឯកទេសពហុជំនាញដែលមានបទពិសោធន៍របស់យើងខ្ញុំ ដោយមានការគាំទ្រពីបច្ចេកវិទ្យាទំនើប ផ្តល់ការថែទាំតាមតម្រូវការផ្ទាល់ខ្លួន ដែលសមស្របទៅនឹងតម្រូវការ និងស្ថានភាពជំងឺជាក់លាក់របស់អ្នកជំងឺម្នាក់ៗ។
មជ្ឈមណ្ឌលប្រព័ន្ធប្រសាទរបស់យើងខ្ញុំមានជំនាញឯកទេសក្នុងការធ្វើរោគវិនិច្ឆ័យ ការព្យាបាល និងការគ្រប់គ្រងជំងឺជាច្រើនប្រភេទដែលប៉ះពាល់ដល់ខួរក្បាល ខួរឆ្អឹងខ្នង និងបរិវេណប្រព័ន្ធប្រសាទ។ ការថែទាំត្រូវបានផ្ដល់ជូនតាមរយៈវិធីសាស្ត្រច្រើនផ្នែក ផ្ដោតលើអ្នកជំងឺជាកណ្តាល។
ប្រព័ន្ធប្រសាទ
ប្រព័ន្ធប្រសាទ
វេជ្ជសាស្ត្រប្រព័ន្ធប្រសាទ ផ្តោតលើការធ្វើរោគវិនិច្ឆ័យ និងការគ្រប់គ្រងព្យាបាលតាមវេជ្ជសាស្ត្រ សម្រាប់ជំងឺដែលប៉ះពាល់ដល់ខួរក្បាល ខួរឆ្អឹងខ្នង សរសៃប្រសាទ និងសាច់ដុំ។ ជំងឺទាំងនេះ អាចបង្ហាញរោគសញ្ញាដូចជា ឈឺក្បាល ប្រកាច់ ខ្សោយកម្លាំងរាងកាយ បញ្ហាចលនា ស្ពឹក ឬការប្រែប្រួលនៃការចងចាំ និងសមត្ថភាពគិត។ ការធ្វើរោគវិនិច្ឆ័យឱ្យបានឆាប់រហ័ស និងការព្យាបាលសមស្រប អាចជួយគ្រប់គ្រងរោគសញ្ញា លើកកម្ពស់គុណភាពជីវិត និងកាត់បន្ថយហានិភ័យនៃផលវិបាក។
ជំងឺដែលយើងព្យាបាល
- ការឆ្លងមេរោគប្រព័ន្ធប្រសាទកណ្ដាល
- ជំងឺដាច់សរសៃឈាមខួរក្បាល
- ជំងឺប្រកាច់ ឬឆ្កួតជ្រូក
- ការឈឺចាប់ និងខ្សោយសាច់ដុំផ្ទៃមុខ
- ជំងឺឈឺក្បាលប្រកាំង និងឈឺក្បាល
- បញ្ហាចលនា
- បញ្ហាការយល់ដឹង និងការចងចាំដែលពាក់ព័ន្ធនឹងប្រព័ន្ធប្រសាទ
- ជំងឺប្រព័ន្ធភាពស៊ាំប្រសាទ ជំងឺប្រព័ន្ធការពាររាងកាយប្រឆាំងខ្លួនឯង និងជំងឺរលាកខួរក្បាលទាក់ទងនឹងអង់ទីករ
- ជំងឺដុំសាច់ក្នុងខួរក្បាល
វះកាត់ប្រព័ន្ធប្រសាទ
វះកាត់ប្រព័ន្ធប្រសាទ
ការវះកាត់ប្រព័ន្ធប្រសាទ ផ្តល់ការព្យាបាលដោយការវះកាត់ សម្រាប់ជំងឺដែលប៉ះពាល់ដល់ខួរក្បាល ខួរឆ្អឹងខ្នង សរសៃប្រសាទផ្នែកខាងចុង និងប្រព័ន្ធសរសៃឈាមខួរក្បាល។ វេជ្ជបណ្ឌិតវះកាត់ប្រព័ន្ធប្រសាទរបស់យើង អនុវត្តទាំងការវះកាត់តាមបែបស្តង់ដារ និងការវះកាត់ដោយវិធីសាស្ត្ររាតត្បាតតិច ដើម្បីព្យាបាលដុំសាច់ក្នុងខួរក្បាល និងខួរឆ្អឹងខ្នង របួសដោយការប៉ះទង្គិច ជំងឺសរសៃឈាម និងជំងឺប្រព័ន្ធប្រសាទស្មុគស្មាញផ្សេងៗ ដោយមានគោលបំណងរក្សាមុខងារប្រព័ន្ធប្រសាទ និងលើកកម្ពស់លទ្ធផលព្យាបាល។
ជំងឺដែលយើងព្យាបាល
- ដុំសាច់ខួរក្បាល
- ការប៉ះទង្គិចក្បាល និងឆ្អឹងខ្នង
- ការតៀបប្រឡោះឆ្អឹងខ្នងផ្នែកចង្កេះ
- ជំងឺសរសៃឈាមប្រព័ន្ធប្រសាទ: សរសៃឈាមប៉ោង | ភាពមិនប្រក្រតីនៃសរសៃឈាមអាក់ទែរ និងវ៉ែន (AVM)
- ជំងឺនៅបាតលលាដ៍ក្បាល
- ជំងឺលៀនឌីសឆ្អឹងខ្នង
- ដុំសាច់ឆ្អឹងខួរខ្នង
- ជំងឺចលនាមិនប្រក្រតី (ករណីវះកាត់)
- ការឈឺខ្នង និងក
- ការឆ្លងមេរោគខួរក្បាល និងឆ្អឹងខ្នង
- ជំងឺវះកាត់ប្រព័ន្ធប្រសាទលើកុមារ
ជួបជាមួយវេជ្ជបណ្ឌិតឯកទេសរបស់យើង
ក្រុមវេជ្ជបណ្ឌិតឯកទេសចម្រុះជំនាញ និងមានបទពិសោធន៍របស់យើង ប្តេជ្ញាផ្តល់ជូននូវការថែទាំតាមតម្រូវការផ្ទាល់ខ្លួន និងផ្អែកលើការពិនិត្យបែបវេជ្ជសាស្ត្រច្បាស់លាស់ ដោយតម្រូវតាមតម្រូវការរបស់លោកអ្នក។ តាមរយៈការសហការគ្នាយ៉ាងជិតស្និទ្ធរវាងជំនាញឯកទេសផ្សេងៗ យើងផ្តល់ជូននូវការថែទាំយ៉ាងទូលំទូលាយ ប្រកបដោយក្តីមេត្តា ជំនាញច្បាស់លាស់ និងឧត្តមភាពនៅគ្រប់ដំណាក់កាលនៃដំណើរថែទាំសុខភាពរបស់លោកអ្នក។
មតិយោបល់ពីអ្នកជំងឺ
ស្វែងយល់ពីបទពិសោធន៍អ្នកជំងឺរបស់ពួកយើង ក្នុងអំឡុងពេលដែលកំពុងទទួលយកការព្យាបាលនៅមន្ទីរពេទ្យ Sunway Medical Centre
“ ចំពោះផ្នែកសម្របសម្រួល ខ្ញុំអាចនិយាយបានថា គឺល្អ។ ចាប់ពីវេជ្ជបណ្ឌិតរហូតដល់គិលានុបដ្ឋាក ពួកគាត់ផ្តល់ការថែទាំ និងយកចិត្តទុកដាក់យ៉ាងខ្លាំង។ ប្រសិនបើមានបញ្ហាណាមួយ ពួកគាត់នឹងឆ្លើយតបយ៉ាងឆាប់រហ័ស ហើយខ្ញុំមានអារម្មណ៍ពេញចិត្ត និងមានផាសុកភាពយ៉ាងខ្លាំងនៅទីនេះ។ ”
“ វេជ្ជបណ្ឌិតមានភាពរួសរាយរាក់ទាក់ និងយកចិត្តទុកដាក់ចំពោះអ្នកជំងឺយ៉ាងខ្លាំង។ ពួកគាត់ពិតជាស្ដាប់់ និងព្យាយាមយល់ពីបញ្ហារបស់អ្នកជំងឺយ៉ាងយកចិត្តទុក។ ”
“ ខ្ញុំមានអារម្មណ៍ថា រាល់ពេលដែលខ្ញុំធ្វើតេស្ត ឬនីតិវិធីផ្សេងៗ បុគ្គលិកតែងតែផ្ទៀងផ្ទាត់ឱ្យប្រាកដថា ខ្ញុំជាអ្នកជំងឺត្រឹមត្រូវ។ នេះធ្វើឱ្យខ្ញុំមានអារម្មណ៍ថា សេវាកម្មមានវិជ្ជាជីវៈខ្ពស់។ បរិយាកាសក៏ល្អ ហើយអ្នកពិតជាអាចទទួលអារម្មណ៍បាន។ វាបានធ្វើឱ្យបទពិសោធន៍ទាំងមូលមានភាពខុសប្លែកយ៉ាងខ្លាំង។ ”
“ ខ្ញុំមានអារម្មណ៍ថា SMC មានអនាម័យល្អ បរិក្ខារទំនើប និងបុគ្គលិកមានភាពរួសរាយរាក់ទាក់។ ខ្ញុំជឿជាក់ថា មន្ទីរពេទ្យនេះមានស្តង់ដារល្អប្រហាក់ប្រហែលនឹងមន្ទីរពេទ្យទូទៅនៅប្រទេសជប៉ុន ហើយលោកអ្នកអាចមកទទួលសេវាព្យាបាលនៅទីនេះដោយភាពជឿជាក់ និងស្ងប់ចិត្ត។ ”
ការថែទាំពីអ្នកឯកទេសប្រកបដោយជំនាញដែលអ្នកអាចទុកចិត្តបាន
សុខភាពរបស់អ្នកមានសារៈសំខាន់ចំពោះយើង។ សូមប្រាប់យើងអំពីកង្វល់របស់អ្នក ហើយយើងនឹងណែនាំអ្នកទៅកាន់វេជ្ជបណ្ឌិតឯកទេសដែលសមស្រប។
តើអ្នកត្រូវការជំនួយមែនទេ?
ក្រុមការងារយើងខ្ញុំរីករាយនឹងប្រឹក្សា និងផ្តល់ជំនួយផ្សេងៗ។ សូមទាក់ទងមកកាន់៖
ទាក់ទងមកយើងតាម WhatsApp ទាក់ទងមកយើងតាម Telegramកញ្ចប់ និងការផ្សព្វផ្សាយ
យើងផ្តល់សេវាកម្មពិសេសសម្រាប់អ្នកជំងឺអន្តរជាតិរបស់យើង។
